Tá an aimsir tar éis a bheith iontach le tamall anois, tríd is tríd. An leanfaidh sé? Cuir ceist ar mhuintir na hIorua. Seo suíomh ar insíodh dom mar gheall air cúpla seachtain ó shin. Feictear dom go bhfuil sé breá inúsáidte agus féadfaidh tú ainmneacha na háite a bhfuil faisnéis uait mar gheall uirthi a chur isteach i nGaeilge agus gheobhaidh tú faisnéis bhreá agus cruinn - ach athraíonn an fhaisnéis chomh maith leis an aimsir. Tá ainm an tsuímh breá simplí freisin: yr.no.
Ach ná cuirimis Met Éireann as an áireamh ach an oiread. Tá méid áirithe Gaeilge ar an suíomh acu ach tá an cur síos laethúil i mBéarla feictear dom. Ná níor shíl mé go raibh sé chomh héasca faisnéis a fháil d'aon cheantar faoi leith. Níor oibrigh an cuardach dom i nGaeilge nó i mBéarla ar an gcaoi sin. Nuair a chuir mé isteach 'Dingle' (níor éirigh le 'An Daingean') chuir siad ceist orm an é 'single' a bhí uaim.
Ar aon chuma, beidh mise ag bualadh an bhóthair ó thuaidh i gceann uair a chloig anois, i dtreo na gréine tá súil agam. Bainigí sult as an dea-aimsir.
Seo chughainn an bháisteach, monuar!
RépondreSupprimerTá lagbhrú mór fliuch ag bogadh soir.
Go raibh maith agat as an nod don nasc sin dála an scéil. Tá sé thar cionn.
RépondreSupprimerGo raibh maith agat uaimse, freisin, a Chailliomachais, agus bain sult as na saoire. Má bhíonn tú in aice Ceann Scríbe, buail isteach le haghaidh cúpán tae!
RépondreSupprimer@ 'chuir siad ceist orm an é 'single' a bhí uaim.'
B'fhéidir gur shíl siad gur tuar ó 'dating agency' a bhí uait...:-)
Léigh mé inné go bhfuil na seandálaithe sásta leis ann aimsir thirim freisin.
RépondreSupprimer:-)
Gaeilge, paiseanta
RépondreSupprimer